Mes poèmes ملحون

Copyright Tous droits réservés 

 ا

 

ذالي مدة طول الليل أنعسعس

ذالي مدة طول الليل أنعسعس        أتقبلني أيام كانو مــــحلاهم 

رجلا زينين ما فيهم مـــــندس       و حراير ثريات للسامهـــــم

الذرية طايـعة بلا مــا تتعس         و الشياب أقهير للي ماهوفاهم

اليوم كل شي راه أتعكــــس          عادت فيه لعبا د أكل تتلاطم

من سقروا تلقاه أبدا إوسوس         كي ألي هم الدنيا عنو عــايم

الفريسة ماشية و راس دايس       ريقو يابس كي ألي فالصمايم

إخمم على الفانية ألي ما تدس       يحلم قبالمادة  أو عقلوهــــــايم

كي يشبث فيها يرجع يسبلس        الحرام إيحللو يرجــع عــــالم

 النفس القرارة ديما تتلــــبس       ويل ألي طوعها عنو تتـــــلايم

أتلوحوفي بر ضيق وأمقرطس      يزير عنو  صبحان الـــــــدائم

ألي ما هو قانع راه إهوسس         يسمح في دينوأو يرجع ضالم

ضالم نفسو فالذنوب ديما قايس      أرحم منو لعض من البهايم

كاش أنهار قلبويطرطق يتفقس      فمو محلول على الدنيا فاحــم

اليوم ألي فيه شاهي يتنفس        إيلقف و على أفعيلو يقدى نـادم

الي واهق طول عمرو امفلس       ما يهنى ما يرتاح أحسابو قايم    

الله يعطنا من الصبر به  نتناس     أو يرزقنا بالدين هذاك اللازم

وأرضوة الوالدين هذا ما نلبس     طاعتهم هي المال كنك فـــاهم

نضمت الأبيات ماطقتش أنــدس    نتمنى على التافهة نبقى صائـم

لخضر حانطي  

 

                

                                  

يا بويا لكان اليوم تسقعـــد                 تبقى  باهت من ذي لمكار

تبكي عنا جميع  و تتوحــــد                   علي صاير فينا من الدمار

العبد ألي بكري يشكر و يحمد                 ما عندو ما خصو على الكفار

فيها ناس خايفا ربي  تــــــعبد                 لمخير فيهم راه قابض الدار 

ألي كان إينيف اليوم  راه أرقد                يتنهت من قولت ألي صار أو صار

كاش  أنهار كبدتوا راها تقند                  أو يلحق أرفايقو هذوك لحرار

اليوم قلبو راه داخل فيه أوتد                   و لا موس إيحرحز كي المنشار

ينسا همو قا كي يركع يســجد                 يتقرب المولاه المليك القهار

اليوم السراق عادو جيش إيهد                 في هذا المدينة عاشو  هم لخيار

تلقهم يوم الجمعة فالمــــــسجد                 ادقول الإمان ليهم راه  أ خيار

ما هي قا شفوني رنـــي نــعبد                 دايرها كيما الصورة ولا المعيار

الذرية تايها و الوالدين أتـــــمد                لا قناعة لا صبر كيف المطيار

يا ويحنا من  هذا الجيل أفســـد                ما عندو حجة فالعيب و العار

في والديه عشا ينطح ويهدد                   مهو داري  بلاخرة  ذا وجه النار

واحد خارج قلبو

    

 

 

            

 

هذا الحب الي أدخل قلبي و أسكن

 

هذا الحب الي أدخل قلبي و أســـكن        راني نحكي ثابت منيشي مجنون

من يوم أن عشرتها عقلــي أ مشطن        نمشي تايه أو حالي مقـــــــــبون

كي أنطــــل أعليها أنعود أنبـــــثون        نجمد أو نبكم نرجع كي العـــــقون

 أتميز فيا كي ألي راها  تتمـــــحن         تحكي لي بحديث ثابت أو موزون

نسمع فيها و العقل سايح صـــــاين         تجرحني بكلام داستو مـــــخزون

تتنس ليا  كي ألي راها في أمـــكن         تلقا راحتها و أنا همي مــــدفون

عزي ليها راه كل يوم يتمـــــــــتن         يصهد فيا كي ناربلا كنـــــــون

عادت هي لعمر أو روحي هـــاين          نتمنا في يوم نرجع فيه للــكون

ماعندي قوة و لا حــكيم إكــــــهن         راني قا مخلوق صادق أوممحون

عارف هذا الحب ساكن وأ مقيطن         بلاك إيجي يوم  أتصد فيه الهون

أنسيان أصعيب راني أمــــــــهبتن         عيني تدمع  قاوية صب أمزون  

ما هي ضـــنة راه كل شي بايــــن         أو حتى فالمنام معدتش أتكــــون

يا مضنوني قريت لك بلي كــــــين         عارف عندك ذا البلا كيفي مفتون

 

 

 

 

 

 

 

 

 

لا تلوم أو لا يبليك

 

شوفْ الحالي لَتْلومْ أو لا يَبْليكْ            أعْذَرْني يا صاحْبي كَنَكْ فاهَـــمْ

كي نُقْبَنْ راني ديما نَتاـــنَسُ بيك           عَني طاحْ القِيمْ أكْحَلْ مَتْلايَـــــمْ

حالي أمْقَيْثَرْ أ و قُلَتْ أنْدَهْمِــــيكْ           أتْفَجي عَني مَحَنْتي لُكَانْ أتْـوَلَــمْ

راني  كُلْ أصْبَاحْ تَخْمامي قا ليكْ          نَرْجَعْ ساتَهْ وَ الْعَقَلْ هاملْ هايَمْ

خَاطْري يَهْنا كي أنْعَوَلْ وَ أنْجيكْ          بالَـكْ  واسَعْ وَ نا هَمي ديما حايَمْ

أتْـڤولْ لي ساميني وأسْمَعْ نوريكْ          هذا الدَنْية مُرة راني مَنْها صائـمْ

لُكانْ أتْرَعي لَيْها تَمَحْڤَكْ أوْتَفْنيكْ           أتْلوحَكْ في بَرْ ناسو تَتْلاطَــــــمْ

طَوَعْها والصبَرْيَسْترُكْ أويَحْمَيكْ           لُكانْ أتْعاسَرْها راكْ تَرْجَعْ نـادَمْ

أومَنْ مَكَرْهَا داسا أو ما تَخْطِيكْ          تقرقك فالحرام حاسب روحك فاهم

ما تَحْلا لَكْ كُلْ ما تَفْرَحْ أتْــــنَويكْ           مَشْعالَة وَ أبْليسْ أمْرَافَڤْـها دايَــمْ

أستغفر للمولا راه أكريم إينجيك            ما دامت شدة وألي أمــكتبة لازم

فعل الخير من المصايب إنجيك            و طاعة الوالدين هي الكنز الدائم        

 

 

 

 

 

 

 

 

ادخلت المحال كنني فـــــــاهم

ذاك العام امنين كنت بذراعي نخدم            نسحلا فالقوت و البراكة أمعـــاه

ملي ادخلت المحال كنني فـــــــاهم             أترفهت و أكسبت ألي نتمنـــــــاه

أنعاند فلي قدامي داروا الدراهــــم             بلا راثة ولا مال من وحد خلاه

لزوا للحرام كي ألي فرعنــــــــــهم            ويناه ألي منهم  بنيانو عـــلاه

سرقوا مال الشعب أو ما كفـــــــهم             يطلبوك فالرشوة بلاك أتقول أعلاه

زادوا فالفتورات أسعار أتوهـــــــم             ديما حاجة رادلة تنجح كفـــــــاه

المقاول قا إذا أرفدهم و أتـــــــــحزم             إيجيب المشروع والفتورات أحذاه

إيسنوا لو فيهم يتلمد أعــــــــــــليهم            و إسربي الباي للي بديفواتو خلاه

وألي كان مع شويهة متـــــــــــنعم             ولا عضو فالبلدي\ة ضبع أو تاه

أشرا كستيم و برطبل باه يتــــــكلم             بني عمو عادو إيقولو ذاك ويناه

دار كروسة زينة بها يتلــــــــــطم              حتا من البرمي ما عقبش و أداه

إذا يخـــدم لـــك لفركــــــات لازم              أو يزليك إذا ما عرفتش معناه

وحد جامــعي ما قرا مـــا يفــــهم              يدحوا فيه كل عام المستوا علاه

إديروه أستاد في لجيال إعـــــــلم               ديما غائب أتبزنيز راه وتــــــاه

إيجروك على كاقط كانك مجرم                إعذبوك تسمح فيه أوحقك تنساه

الرحمة و الضمير واحد ما خمم                تجبدلوالدين إقول لك ماكان أعلاه

ماهو خايف لكان ربي أعليه يحكم             إسلط أعليه أمراض ما يلقاش أدواه

أو بلاك الذربة يوقع فيها مجرم                يرفدوه في لفام إيعود يســــوا قداه

 أوليدتو بالحرام  فارح و أمدللهم               ما هو خايف من الربا و ألي أحذاه

 المال الي درتوعنو راني نــــادم               نسمح فيه أخلاص والغفران نترجـاه

هذا الأبيات نضمتهم ماني عــالم               دهشنا ذالمكرأو ماصبتش كفـــــــــاه

لخضر حانطي 2012

 

كانت الجلفة هادية

 

كانت الجلفة  هادية و أهواها زين        هلها عوفاية و من بكري طيبين     

  رجعت ولاية عام ربعة و سبعين       و تسلط عنها أعباد شينا أمنڨلين             

 ما سلموا الهلها أو لا للصلحين            إجيبوا بهزات صنع الشيطين

بركوا فالرشوة و السرقة لازين              يا مكثرهم  منتخبين و مسؤلين

 قرقوا فللحرام عشاو مترفهين            يطهبجوا بالربى أو ما هم قافلين

من لول يخزر في  بنيــان أمتين            لازم إيجيبو  من لحم لخرين

شدوا المناصب أفمهم محــلولين           يطمعوا فالفقير و يا ويل المسكين

فيهم ألي زار مكة و الــــحرمين            و أنهار الجمعة إقوم مع لولين

ما طلقو الحيين ما منعوا المييتين          حتى من العميان مدوا كي لخرين

إيجرويك كل يوم حقوقك مردومين               يخلقوا لك قانون هم ألي فاهمين

شاعت اخبارهم والخلايق ساكتين               ما عرفتو ذل ما عرفتو طحين

في بعضهم بعض ديما متــــحدين                عليطايب للسليخ رهم طايحين

وري لو الدينار يطبشوا الوذ نين                 تكثر اريوڨو يتفتحولو االعينين           

يجبد لك  كواقطتك أكل مجمولين                 دوسيك أمريڨل أوأنت  رجل زين

هو قام أبوجبو لمعلم راه شبن                   راه ڨرب العيد لازم لو كبشين

قا يضرب اللبل تلڨهم  سهرنين                    مجمولين على الحرام أو زهيين

وألي فالمجالس و أعلنا أموكلين                    لهيين  قا بالتموين و المقاولين  

هم الشعب أعليه أدڨول قافلين                     متمنيين يبقاو فالعهدات الجيين

على يوم الحساب ماهم أمخممين                  عمتهم  الفانية نستهم فالدين

الله لا يشوفنا في  ذالمجرمين                       أو يجعلنا من الحلال دما عيشين

 قيثرني محڨورما صبتش أمنين                      و الشكو للإله رب العالمين                   خرجوا لي الأبيات و أنيا حزين                    من كثرت  الكلاب المسيطرين

 

المقبرة

كي تجبى عنها إقابلوك أمستفين.... رجلا و انسا حتا من الصـــبيان

فيها علماء و ألي عاشو هميين... أو محجوبات أمقتالت مدو برهان

فيها ألي كان عاثر أو مسكين ...طول عمرو شاقي أؤ ديما تعــبان

فيها ألي فرعن لا حشما لا دين ...ما عندو حاجة فالكفر و العصيان

فيها ألي كان حاسب روحو أمتين... قرتو السلطة لاحتو فالطــــــغيان

فيها ألي كان عايش بلا عينين... عمرو ضلمة يتوسل لرحــــمان

فيها ألي قضا لمراض أسنين... ريح بعد أن قبروه ذراري شـــــبان

فيها ألي من المكر ديما حزين... مستحمل الوقت أو منو حيــــران

فيها من عاشو ديما محقورين... هما أو ضالمهم في نفس المـــكان

فيها الي كانو الواديهم طايعين... و امعهم ألي عاملوهم بالنكــــــران

فيها ألي كانو  من الحرام مطهبجين... عاشو بالرباء ما طـلبوا غفـــــران

فيها الي كانوا  المطففين فليين ... السلعة الرادلة  و سرقة المزان

فيها الي كانو على خاوتهم مسطرين .... الكذب و الرشوة و حليف ليمان

فيها الي كانوا بلسنتهم مضيين ... الفتنة و النميمة او زيد البهتان

فيها الي كان حان على المسكين...يصدق و يمعرف و يفرح الصبيان

فيها الي كان هشيش دموعو سيّلين...في قلبو الرحمة و خوف الرحمان

فريسة باردة. قســـلوها أثنين... سترها بكفن مترتين كـــــــــــــتان

رفقها لحباب و الــــــمقربين ...تبقى منها قا كلمة كان أفـــــــالن

نعياو قاع فيها و الهربة لا وين...و الي داروا الخير هم المقبولين

ما تنساش ادزورها حين على حين ... واتفكر موتاك بلاك من النسيان

الله يحسن لنا الخاتمة يا سامعين... و يجعلنا من اهل جنة الرضوان

ل.حانطي

 

 

              

 

 

 

الْعناتيرْ ألي صــــــــَدوا

كي نَتْفَكَرْ الْعناتيرْ ألي صــــــــدُوا ===  يَتْقَمو عَيْنِيا أو حالي يَسْوادْ

رجلا كاسحين عاشوماهَــــــمْدوا === ما رَكْعو لَلْعَبْد أو لا للقِيـــــادْ

ما طاعوا لتراك و لا بزرة مدوا=== راس الباي عثمان يتكركب فالواد  

التلي بلكحل و اصحابو صمدوا===  بعد بوشمدوقة داروا صور للبلاد

زرنوح امحمد القبائل شهدوا ===   قلوا بطل  شهيد و من لسياد

المَوْلا طاعو خافو أو ســـــــجْدوا === خَدْموا للغُفْرانْ أو يوم التِعادْ

ما قتْبوا مَخْلوقْ أو لا ; ghghأ>>حـــــــسْدوا === ما شاقوا في فانية قا لَلـــْعَنادْ

لَلْفقير بالكايْنَة نــــاضوا مـــــــَدوا === كُرَماء للضَيْفْ ألي مَنْ لَبْــعادْ

على الصَلْحينْ خَدْمو مـــــابردوا === خَدْمَتْهُم للـــــطايْلَة قَرَسْ أوُتأدْ

ماعَبْدوا ديـــــنارْ أو لا رَبـا شَدوا === الصَبَرْوَالقَنـــــاعَة ذَاكْ المُعْتادْ

أعْلَ النيف ما حَـــرْنوا هَـــــــــدوا === ما كادُوا المَنِيَة بَهْزَاتْ أَجْهادْ

ما تَشْتي تَخْطيهُمْ إذَا ڤَــــــــــعْدوا === مَزْيَنْهُمْ بَحْديثْ إنَسوا في لَوْلاد

كَلْمَـتْهُمُ بَرُودْ لـــُكانْ إعَاهْــــدوا  === ما َرَجْعوا فيها راه طاحْ الزَنادْ

فُرْسَانْ إذا عالْخِيلُ شَـــــــــــــدوا === طَلَتْ الڤُمان راني لَيْها صَــيادْ

مَوَلينْ الصَحْراء وَ التَلْ ڤَصْدوأ   === رَحَلا أو مَنْ بَكْري ناسْ أجْوادْ

مَتَكْلينْ عَلى الله مُسَيَرْ عَبْــــدوا  ===  يَبَشْرُوا بَالخَيرْ الْمَطَرْ مَـــــنادْ

يخظار الْبَرْ أبْعَشْــبو أو وَرْدُوا   ===   لَعْڤَبُوبة صابَة لَلْـــعَوْلَة تَزَادْ

بَالْمَنَاجَلْ كُلْ أسْبولَة جَبْــــــدوا   ===  أو دَرْسُها فَالنُوَادَرْ دَرَسْ أفْرَادْ

النَعْمَة عَزيزَة مَنْهَا ما فــَسْدوا  ===  زَكَاوْها لَلْمَسْكينْ أومَحْقوقْ الزَادْ

ذوك اَجْدُودْكُمْ أَفْتَخْروا أوزيدُوا === ما هنوا مومَنْ ما خَدْعوا لَبْلاد

 خَلاوْ تُوَاريخْ زينة  لـــــَلِڤَعْدوا === إسَالُكُمْ بَالرَحْمَة يا أهَلْ المِـــــعاد

أضراب الليل أوليدتي رڤــــَدوا ===  ڤَلْبي أمَحْمَحْ أو كَلامي ما فــــادْ

لخضر حانطي

 

اكثر علينا الوسواس

 

اكثرعلينا الوسواس**  تاهو اصحاب الڨلادة

الناس كرهت الناس **و نقصت العبادة

المتوليين  اتياس** و لصڨين كي لڨردة

تلڨاه ضاوي للباس** رفاد سعفة للسادة

متفنطز بالاختلاس** و جه الي فالڨعادة

فيهم سربيين الكاس** يترڨصوا كي الشوادة.

 اتعمرت لحباس** و الزور عاد فالشهادة

حاجة مهي لباس** و المجالس فيها الودادة

الرزامة باركة فالمهراس** و المهينة  شرادة

لعراس يا لعراس** و النساء بالخلع هدادة

الحجلات بلا عساس**  و كثرت لها الصيادة

النصلة رجعت فاس** و الجبانة للشعوادة

البلاد كلاها بو قواس**و الكذب رجع عادة

 الذهب رجع  أ نحاس**و الي هب و دب قيادة

بالدراهم يحڨر التراس**و رافد امعاه سجادة

 ربي ديما عساس**و تحضرلهمش الشهدة

املكهم ذاك  الخناس**و ما فالتقوة إرادة

 الفانية دخلت  فالراس**والربا جاب السعادة

صدوا ارجال المرداس** و خلاونا في حمادة

وينهم ربطين القرطاس ** اللّٰه يرحم الشهاداء

من كثرة المكر عسعاس** و امرافڨتني البرادة

ل حانطي

 

 

 

 

 

 

1 mai 2017

دخلت للإدارة اتلڨاني مصمار...مصمار امصدي في حطب فاسد
ما ينفع كولاب و اكتلني الدمار ...طامة صقيرة ياكل و إيكدد
من كثرة الماكلة ضبع ٱو طار ...متفنطز و على الخلايق يتهدد
شاعت اخبارو فالبلاد ٱو ما حار...يخزر قى الي في عليها يتلمد
ما عندو حاجة فالحرام و العار...تسعة رهطين و الوجه اسود
وري لو الدينار يحمار و يعطار...يبدى إكزكز إينوض ٱو يڨعد
يخرج يتكسل ديما اعڨاب انهار...متفنطز بفعايلو مشية قائد
داير حيحية و ڨداش من دبار ...و الي ينڨب امعاه يفرح أو يسعد
الي طايب للسليخ يعرف الدار ...يقدى إسردن كي الرجل تهمد
المدير امقطيه ديما عليه ستار... يدي في سهمو من الرشوة متعمد
إذا قصدتهم ارفد مزلة دينار ....يقضوا لك صوالحك لوكان اتمد
الموة نسيينها ٱو حتى القهار...الي اتقروا الدنية لا بدى يفسد
إڨشڨشها و عليها يقدى للنار...يزير ڨبرو و ما ينفعوا حد
الله لا إيشوفنا في هذا المطيار ...إيجبلو نڨلة ڨريبة يترفد
ما درت لو قيمة ٱو رجعت للدار ...و كتبت الكلمات و انا امسند
ل.حانطي

 

 

 

 

 

 

 

 

 

 

اليوم متقمقم و نشرب في فرارة.......حامد ربي و مبسوط بحالي

ڨابلني ميمون كبرت لو الدوارة.....متفنطز و صنايعو جات في بالي

بكري كان يهڨش الڨدام و اللورة.....عشى من لعيان خدامين الليالي

يرفد فالسعفة و الشيتة المخيرة....و طلع شانو طامع يرجع والي

دارت بيا الزجعة على  ذيك النضرة....و عاونها بليس رجعني غالي

ڨلت قدوة نبداها على البكرة....وانسقسيه عليها بلاك يهدى لي

السعفة نقزتني حكت لي الدبرة......قالت لي ارفدني ترجع معالي

نطقت لي الشيتة اخطيك من الحڨرة.....انا  راني ساهلة كلش يهدالي

  داوسني  النيف ڨال ارجع اللورة....و قول الحمد لله على لي عطهالي

ما تدي منها والو كي تملي الحفرة....و درت برايو زاد اعجبني حالي

يا مزينها قهوة حتى و هي مرة....الحلال حلى راحت  الدنية من بالي

تبدلت  النظرة رجع لي  قعارة.... دايرا كوستيم تتكسل ة تشالي

كي قراب الزوابي حط على دشرة.... انتهازي شاهي يطلع للعلالي

شاطر باللحيس و تنقال الهدرة .... كي اكلب يفرح بمكلة الفضلي

هو الي مكلف بشد التسمسيرة..... وسيط امقرح و منها فالي

 

 

 

 

 

 

 

 

 

 

 

 

 

 

 

 

 

السعفة و ابليس

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ما شفتكم لبلاد يا تسعة رهطين ...عماكم الدينارنسيتوا القدير

رجعتو خبراء و اكل سيسيين...راكم قافلين همككم التڨوعير

 الي جاء يركبكم وبيه فارحين... تتلڨاوه بالقايطة و البندير

صفاڨين متنزهين وفيه شايقين... و يكثرلكم المدح و التبقرير

ادجيبوا لو لخبار يا ذا الشاطرين ... والجمعة اتبيضوا القنادير

اوجوه البخص و صفات المنافقين... الرشوة و زيد لها التعنتير

شبعتونا كذب و ضهرتونا حڨارين... ديما لاصڨين كي المسامير

فيكم الي شاب و فات الستين... و العمرة والحج بدراهم الغيىر

الموت قربت و ماكم خالدين ... كتيتينة و شبرين واجدين للحفير

هذا وصفكم يا الي متفنطزين ... و انتم قى حثالة عند اهل التعبير

ل حانطي

 

 

 

 

 

 

 

 

 

 

 

 

 

 

 

 

 

 

رجعتو خبراء و اكل سيسيين...راكم قافلين همككم التڨوعير

 الي جاء يركبكم وبيه فارحين... تتلڨاوه بالقايطة و البندير

صفاڨين متنزهين وفيه شايقين... و يكثرلكم المدح و التبقرير

ادجيبوا لو لخبار يا ذا الشاطرين ... والجمعة اتبيضوا القنادير

اوجوه البخص و صفات المنافقين... الرشوة و زيد لها التعنتير

شبعتونا كذب و ضهرتونا حڨارين... ديما لاصڨين كي المسامير

فيكم الي شاب و فات الستين... و العمرة والحج بدراهم الغيىر

الموت قربت و ماكم خالدين ... كتيتينة و شبرين واجدين للحفير

هذا وصفكم يا الي متفنطزين ... و انتم قى حثالة عند اهل التعبير

ل حانطي

 

 

 

 

 

 

 

 

 

 

 

 

 

 

 

 

 

 

 

 

 يا مضنوني الڨحار واش جابك ليه...وانت قى تتفاوت أو حالتك حالة

ماك من اهل الزناد قى زيد الهيه...وخلي الطريق للي تنطح رجالة

ماعندك ذراع قى لسانك تطلق فيه ...و الهريف ما جاب ڨمح ولا نخالة

انت كي لولية و شاطر فالتورييه.... و كي تلحڨ للصح نفسك ذلالة

مديك غير الزف ننصحك تخطيه...و ڨد على روحك يا ذا الدربالة

حالك ماهنا حل من حقك تخفيه...والتواضع زين و الدنية بدالة

كاين من مثلك الزوخ كان مديه...و ما اتولش ان رجع قى انڨالة.

قتلوا الزلط و بعد ان طاحت بيه.... عادت كسوتو في سوق الدلالة

لا عرض لا ميتي يسنفع بيه ...ويطمٌَع فالناس عينو مذبالة

متكي عالحيط أمكسل كرعيه....باقيلو قى تفركيت المزبالة.

حتى من الهڨيش ما طاڨس عليه....و داير دوسي على فركات البطالة

الذراري و المرا هربوا دارو الهيه...و اشيان خيالو ما يمشي اقبالا

بدرن كي الكلب و الڨراد ياكل فيه...و مازل يتهامص خاطي الحمالة